MIKROZANGAK ZULATU, ETA ZUNTZ OPTIKOA HEDATZEKO HODIAK JARTZEN DITUGU
 
ADI TECHNICAL SOLUTIONS enpresak zuntz optikoa hedatzeko proiektuak zuzentzen ditu, prozesuko fase guztiak kontuan harturik: aholkularitza teknikoa, kanalizazioak detektatzea, minizangak eta mikrozangak zulatzea, obra-hondakinak biltzea, hodiak ezartzea, hormigoia botatzea eta seinaleak ipintzea.

Makina eta teknologia aurreratuenak dauzkagu, baita esperientzia handiko teknikari adituen talde bat ere. Horri esker, zulaketa arruntak egiteko behar den baino askoz ere denbora gutxiagoan egin dezakegu lana; ondorioz, kostuak murriztu egiten dira eta bide publikoa erabiltzen dutenei ahalik eta traba gutxien egiten zaie.

Erakunde ugarirekin lan egin dugu, eta telekomunikazioen arloan liderrak diren enpresekin elkarlanean aritzen gara, zuri ahalik eta zerbitzurik onena eskaintzeko.

PROZESUKO FASE GUZTIEZ ARDURATZEN GARA, EZERTAZ ARDURATU BEHARRIK IZAN EZ DEZAZUN

Zuntz optikoa hedatzeko aholkua behar baduzu, jarri harremanetan gure aholkularitza teknikoko zerbitzuarekin. Proiektua landu, eta zure behar guztiei konponbidea ematen diegu, baita obra-baimenen kudeaketari ere.
 
Zulatu baino lehen, lurpean dauden kanalizazioak eta kableak detektatzen ditugu georadar bidez. Teknologia horrek zehaztasun handiko datuak eskaintzen dizkigu, eta erabat saihesten ditu geroago egon daitezkeen arazoak.

Hodiak jarri ostean, zuntz optikoaren kableak sartzen ditugu xurgatzearen teknika berritzailea erabilita.

ZUNTZ OPTIKOA MIKROZANGA BIDEZ JARTZEA: ABANTAILAK BAINO EZ

Zuntz optikoa mikrozanga bidez hedatzeak hainbat abantaila ditu zangak egiteko ohiko teknikekin alderatuta.

ADI TECHNICAL SOLUTIONS enpresak ebaki lehorreko makina ugari ditu, disko-erakoak zein kate-erakoak, eta harrizko, hormigoizko eta asfaltozko lurretan hainbat zabalera eta sakoneratako zangak egin ditzakete.

Gure makinek ezpata mugigarria dute, eta erabat egokitzen dira lursailaren irregulartasunetara (desnibelak, tunelak, bazterbide irregularrak...)